HITOPADESHA-4- हितोपदेशः - Good Counsels

 SUBHASHITHANI:504

ऋण-कर्ता पिता शत्रुर् माता च व्यभिचारिणी ।
भार्या रूपवती शत्रुः पुत्रः शत्रुर् अपण्डितः ॥ २२ ॥

ṛṇa-kartā pitā śatrur mātā ca vyabhicāriṇī |
bhāryā rūpavatī śatruḥ putraḥ śatrur apaṇḍitaḥ || 0-22 ||

A father who leaves an unpaid debt is an enemy, a characterless mother is an enemy, a beautiful wife is an enemy, and an illiterate son is an enemy.

यस्य कस्य प्रसूतो ऽपि गुणवान् पूज्यते नरः ।
धनुर् वंश-विशुद्धो ऽपि निर्गुणः किं करिष्यति ॥ २३ ॥

yasya kasya prasūto 'pi guṇavān pūjyate naraḥ |
dhanur vaṃśa-viśuddho 'pi nirguṇaḥ kiṃ kariṣyati || 0-23 ||

Born of whatever parents, a man of good nature is held in high esteem; what is the use of a bow without string, even though made of faultless bamboo?

हा हा पुत्रक नाधीतं गतास्व् एतासु रात्रिषु ।
तेन त्वं विदुषां मध्ये पङ्के गौर् इव सीदसि ॥ २४ ॥
hā hā putraka nādhītaṃ gatāsv etāsu rātriṣu |
tena tvaṃ viduṣāṃ madhye paṅke gaur iva sīdasi || 0-24 ||
Alas! My son, you did not acquire knowledge in the bygone nights.
Because of that, in the company of learned people, you are like a cow with its legs stuck in clay.

आहार-निद्रा-भय-मैथुनानि
सामान्यम् एतत् पशुभिर् नराणाम् ।
ज्ञानं नराणाम् अधिको विशेषो
 ज्ञानेन हीनाः पशुभिः समानाः ॥ २५ ॥
āhāra-nidrā-bhaya-maithunāni
sāmānyam etat paśubhir narāṇām |
jñānaṃ narāṇām adhiko viśeṣo
jñānena hīnāḥ paśubhiḥ samānāḥ || 0-25 ||
Food, sleep, fear and sex are common needs of humans and beasts.
Discriminatory knowledge is the special attribute of humans; without Knowledge they are equal to beasts.

धर्मार्थ-काम-मोक्षाणां यस्यैको ऽपि न विद्यते ।
अजागल-स्तनस्येव तस्य जन्म निरर्थकम् ॥ २६ ॥
dharmārtha-kāma-mokṣāṇāṃ yasyaiko 'pi na vidyate |
ajāgala-stanasyeva tasya janma nirarthakam || 0-26 ||
One who has not achieved any one of the four purusharthas, Dharma, artha, kaama, and moksha, is as worthless like the neck-teat on a female goat.

आयुः कर्म च वित्तं च विद्या निधनम् एव च ।
पञ्चैतानि हि सृज्यन्ते गर्भस्थस्यैव देहिनः ॥ २७ ॥
āyuḥ karma ca vittaṃ ca vidyā nidhanam eva ca |
pañcaitāni hi sṛjyante garbhasthasyaiva dehinaḥ || 0-27 ||
Longevity, actions taken, money earned, education and death, these five
are determined for a person even at the time of being in the womb.

अवश्यं भाविनो भावा भवन्ति महताम् अपि ।
नग्नत्वं नीलकण्ठस्य महाहि-शयनं हरेः ॥ २८ ॥
avaśyaṃ bhāvino bhāvā bhavanti mahatām api |
nagnatvaṃ nīlakaṇṭhasya mahāhi-śayanaṃ hareḥ || 0-28 ||
What is destined to happen will happen even in the case of the great.
Like the nakedness of Shiva and Vishnu having to sleep on a great snake.

यद् अभावि न तद् भावि भावि चेन् न तद् अन्यथा ।
इति चिन्ता-विष-घ्नो ऽयम् अगदः किं न पीयते ॥ २९ ॥
yad abhāvi na tad bhāvi bhāvi cen na tad anyathā |
iti cintā-viṣa-ghno 'yam agadaḥ kiṃ na pīyate || 0-29 ||
What is not to happen will never happen and what has to be can never be otherwise. Why is it that this antidote which will vanish worry is not consumed?

SRI KRISHNAYA THUBHYAM NAMAH